Isroil tibbiy turizm uchun ochilishi mumkin
Vazirga ko‘ra, Isroilga davolanish uchun keladigan fuqarolar ko‘plab maʼlumotnomalar, jumladan, PZR-testlar bilan keladi.
Isroil turizm vaziri Yoel Razvozov yaqin orada tibbiy turizm uchun mamlakatga keladiganlar uchun chegaralar ochilishini eʼlon qildi. Uning aytishicha, bunday odamlarga mamlakatga kirishni taqiqlashga asos yo‘q.
“Koronainqirozgacha tibbiy turizm davlat xazinasiga 1,5 mlrd shekel olib kelgan va Isroilning chet eldagi ijobiy imijiga xizmat qilgan. Sohaning ko‘plab mutaxassislari ishsiz qoldi, ularga yordam berib, tibbiy turizmni tezroq hayotga qaytarish kerak”, - dedi Razvozov.
Vazirga ko‘ra, Isroilga davolanish uchun keladigan fuqarolar ko‘plab maʼlumotnomalar, jumladan, PZR-testlar bilan keladi. Buning ustiga, odatda ular shifokorlar yoki tez yordam mashinalari tomonidan kutib olinadi, shu sababli Isroil fuqarolariga xavf tug‘dirmaydi.
Sharofat Mahmudova
