Janubiy va Shimoliy Koreya o‘rtasidagi aloqa tarmog‘i tiklandi
Janubiy Koreya va Koreya Xalq Demokratik Respublikasi o‘rtasidagi aloqa tarmog‘i tiklandi. Bu haqda Janubiy Koreya prezidenti administratsiyasi xabar qildi.
“Ikki Koreya soat 10:00da transchegaraviy aloqa tarmog‘ini yana tikladi”, - deyiladi xabarda.
Moviy uy ham ikkala Koreya yetakchilari aprel oyidan beri bir necha marta shaxsiy maktub almashganini tasdiqladi.
“Hozir butun koreys xalqi Janub va Shimol o‘rtasidagi munosabatlar omadsizlik va to‘xtab qolishdan so‘ng tiklanishini xohlaydi. Bu masalada Shimol va Janub yetakchilari yaqindagi shaxsiy xatlari orqali o‘zaro ishonchni tiklash va uzilgan aloqalarni tiklashda katta qadam qo‘yishga kelishib olishdi”, - deyiladi Koreya markaziy axborot agentligi xabarida.
2020 yilning 16 iyunida Koreya xalq demokratik respublikasi hukumati Seul bilan barcha mavjud aloqa kanallari bilan aloqani to‘xtatishini eʼlon qilgan edi. Keyinroq Keson texnoparkidagi koreyalararo aloqa ofisi portlatildi. Shimoliy Koreya hukumati bino buzilishi ularning qarori bilan amalga oshirilganini tasdiqlagan.
Sharofat Mahmudova
