Turkiya muhojirlarning yangi oqimini qabul qilmoqchi emas
Turkiya Afg‘onistondagi vaziyat sababli xalqaro javobgarlikni o‘z bo‘yniga olib, muhojirlarning yangi oqimini qabul qilmoqchi emas.
Bu haqda Turkiya TIV rasmiy vakili Tanju Bilgich eʼlon qildi.
“Biz Avstriya kansleri Sebastyan Kursning afg‘on qochoqlari uchun Turkiya “eng mos joy”ligi haqidagi gapidan hayratlandik. Turkiya hech qachon uchinchi mamlakatlar majburiyatini olib, migrantlarning yangi oqimini qabul qilmaydi. Bu haqda barcha darajadagi hamkorlarimizga xabar qilamiz. Turkiya boshpana so‘raganlar uchun lager yoki YEI chegarachisi bo‘lmasligini yana bir bor taʼkidlaymiz”, - dedi diplomat.
Oldinroq kansler Kurs Bild gazetasiga bergan intervyusida afg‘onistonlik qochoqlar yo o‘z vatanidagi xavfsiz hududlarga, yoki Turkiyaga qochishi kerakligini aytgan. Uning fikricha, bu qaror Avstriya, Germaniya yoki Shvetsiyadan boshpana qidirgandan ko‘ra yaxshiroq.
Sharofat Mahmudova
