Dunyo bo‘yicha koronavirusdan o‘lim holatlari oshdi
So‘nggi bir hafta ichida dunyoda koronavirusdan o‘lim 21 foizga oshdi. Bu haqda Jahon sog‘liqni saqlash tashkiloti xabar berdi.
Bir hafta davomida butun dunyoda koronavirusdan 69 mingdan ortiq o‘lim qayd etildi - bu 12 dan 18 iyulgacha bo‘lgan davrga nisbatan 12 mingtaga ko‘p. O‘lim holatlarining aksariyati Amerika, shuningdek, Janubi-Sharqiy Osiyo hissasiga to‘g‘ri keladi. Bundan tashqari, o‘tgan haftada dunyo bo‘ylab har kuni 540 mingga yaqin COVID-19 infeksiyaci aniqlangan.
Agar bu tendensiya davom etsa, kelgusi ikki hafta ichida butun dunyo bo‘ylab jami kasallanganlar soni 200 milliondan oshishi mumkin.
Umuman olganda, pandemiya davrida dunyoda 195,3 milliondan ortiq koronavirus va 4,1 millionga yaqin o‘lim holatlari qayd etilgan.
Nasiba To‘xtayeva
