Afg‘oniston AQSH bosimi ostida 5 ming jangarini ozod qilgan
Afg‘oniston hukumati o‘tgan yili AQSH bosimi ostida 5 ming “Tolibon” jangarisini ozod qilgan edi.
Sobiq asirlar hozirda Hilmand viloyati poytaxti Lashkargohga hujumda eng asosiy rol o‘ynamoqda. Bu haqda Wall Street Journal maʼlum qildi.
Nashr maʼlumotlariga ko‘ra ozod qilinganlar orasida “Tolibon” qo‘mondonlaridan biri Mavlaviy Tolib ham bo‘lib, u hozirda Lashkargohga qilinayotgan hujumning rahbari hisoblanadi. Hukumat dastlab asirlarni ozod qilishni istamagan, ammo Vashington bosimi ostida ular qo‘yib yuborilgan. Asirlar ozod qilinishi ortidan hukumat bilan kelishuv imzolashgan, unga ko‘ra ular Afg‘oniston armiyasiga qarshi urush qilmaslikka vaʼda berishgan edi.
Afg‘oniston mudofaa vazirligi rasmiy vakili Favod Omonning so‘zlariga ko‘ra, sobiq asirlarning aksariyati qo‘liga qayta qurol olgan va ushbu jangarilar “Tolibon” safidagi eng “shafqatsiz terrorchilar hisoblanadi”.
Afg‘onistonda mamlakatdagi kattagina hududni boshqarayotgan “Tolibon” harakati va hukumat o‘rtasida keskin kurash ketmoqda. Biroz avval, “Tolibon” harakati Lashkargohdagi telemarkazni egallagani haqida xabar berilgandik.
Qayd etish kerakki, Afg‘onistondagi beqaror vaziyat AQSH o‘z harbiylarini joriy yilning 11 sentyabriga qadar mamlakatdan olib chiqib ketishini eʼlon qilganidan so‘ng keskinlashdiю
