Amerikada koronavirusga qarshi kurash bo‘yicha global onlayn sammit bo‘lib o‘tadi
AQSH Prezidenti Jo Bayden joriy yilning sentyabr oyida koronavirusga qarshi kurash bo‘yicha global onlayn sammit o‘tkazmoqchi. Xabarlarga ko‘ra, sammitning asosiy mavzusi “Delta” shtammi va unga qarshi kurash bo‘ladi.
Ayni paytda Amerika maʼmuriyati nodavlat tashkilotlar bilan bo‘lajak konferensiya tafsilotlarini muhokama qilmoqda.
JSST maʼlumotlariga ko‘ra, dunyoda pandemiya boshlanganidan beri 198 milliondan ortiq odam koronavirus bilan kasallangan, 4,2 million kishi kasallik va asoratlardan vafot etgan. Amerikada esa 34 million odam koronavirusga chalingan bo‘lib, uning 600 mingdan ortig‘i dunyodan ko‘z yumdi. AQSH bu borada “birinchi”likni qo‘ldan bermay kelyapti.
Nasiba To‘xtayeva
