Turkiyada davom etayotgan o‘rmon yong‘inlari kosmosdan suratga olindi
Turkiyaning kosmik razvedka sunʼiy yo‘ldoshlari mamlakatdagi o‘rmon yong‘inlari va ularning oqibatlarini suratga oldi.
Suratlar Turkiya Mudofaa vazirligi tomonidan chop etildi.
Yuqori aniqlikdagi sunʼiy yo‘ldoshlar orqali Manavgat va Marmarisdagi o‘rmon yong‘inlari va uni o‘chirilgandan keyingi holat yozib olingan. Fotosuratda o‘rmonlar kulga aylanganini ko‘rish mumkin.
Mutaxassislarning taʼkidlashlaricha, bu rasmlar yong‘inlarni o‘chirishga yordam beradi.
Maʼlumot o‘rnida aytish kerakki, Turkiyada o‘rmon yong‘inlari 27 iyul kuni boshlangan. 1 avgust holatiga ko‘ra tabiiy ofat qurbonlari soni olti kishiga yetgan. 98 ta yong‘inning 88 tasi o‘chirilgan. 29 iyul kuni Erdog‘an hukumat yong‘inni o‘chirish uchun barcha kuchlarni safarbar qilganini aytgan edi. Prezident maʼmuriyatining xabar berishicha, yong‘inlarni o‘chirishga 1,1 mingdan ziyod texnika, shu jumladan, Rossiyaning uchta Be-200 amfibiya samolyoti jalb qilingan. 30 iyul kuni Bodrum sayyohlik shahri meri Ahmed Aras o‘rmon yong‘ini o‘chirilgani va evakuatsiya qilingan sayyohlar mehmonxonaga qaytarilganini eʼlon qilgani haqida yozgan edik.
