Poytaxtda yana bir eksperiment amalga oshiriladi
Vazirlar Mahkamasining «Toshkent shahri mahallalarida kutubxonalar faoliyatini samarali tashkil etish chora-tadbirlari to‘g‘risida»gi qarori loyihasi muhokamaga eʼlon qilindi.
Hujjat loyihasiga ko‘ra, Toshkent shahridagi «Mahalla kutubxonasi» mavjud mahalla fuqarolar yig‘inlariga eksperiment shaklida “kutubxonachi” shtat birligini joriy etish to‘g‘risidagi taklifi maʼqullanishi mumkin.
Qayd etilishicha, Toshkent shahar hokimligiga:
- Toshkent shahridagi balansida «Mahalla kutubxona»si mavjud bo‘lgan mahallalarni kamida 600 (olti yuz) dona adabiyotlar, aholiga keng qamrovli axborot berish salohiyatiga ega gazeta, jurnallar bilan taʼminlash hamda mazkur kutubxonalarda 1 ta kutubxonachi shtatini saqlash choralarini ko‘rish;
- uch oy muddatda Toshkent shahri mahallalari hududida hamda mahalla fuqarolar yig‘ini guzarlarida tashkil etilgan kutubxonalarni kompyuter texnikasi va boshqa turdagi orgtexnika, mebel, shu jumladan, maxsus mebel, shuningdek, tegishli kutubxona uskunalari bilan jihozlash, bunda imkoniyati cheklangan shaxslarga xizmat ko‘rsatish uchun maxsus kompyuter jihozlari va boshqa qo‘shimcha vositalar bilan taʼminlashga alohida eʼtibor qaratish;
Axborot texnologiyalari va kommunikatsiyalarini rivojlantirish vazirligi bilan hamkorlikda Mahalla kutubxonalarini yuqori tezlikdagi internet tarmog‘iga ulanishini va Wi-Fi zonalar tashkil etish vazifasi yuklanadi.
