“Sputnik-V” yetkazib berish bo‘yicha butun dunyoda uzilishlar kuzatilmoqda
RF ning “Sputnik-V” vaksinalarini dunyoga yetkazib berishda muammolar vujudga keldi.
O‘tgan yili Rossiya millionlab dozada vaksina yetkazib berish bo‘yicha qator davlatlar bilan shartnoma imzolangandi. Lekin mamlakatning o‘zida emlash jarayoni kuchayganligi, shuningdek ishlab chiqarish quvvatlarining to‘la amaliyotga joriy etilmagani tufayli Rossiya vaʼdasining ustidan chiqolmayapti.
Masalan, Eron bilan 60 mln doza yetkazib berishga kelishilgan bo‘lsa, hozirgacha Tehronga atigi 2 mln vaksina yetib berilgan. Meksikaga esa shartnomadagi 24 mln “Sputnik-V” dan 4.1 mln dozasi yetkazilgan. Bu kabi holatlar Janubiy Amerikaning boshqa mamlakatlari va Afrikada ham kuzatilmoqda.
O‘zbekistonda ham vaksinaning 2-dozasi bilan bog‘liq yetishmovchilik borligi maʼlum qilindi.
Bugun RF prezidenti Vladimir Putin boshchiligida bo‘lib o‘tgan yig‘ilishda vaksinatsiya masalasi ham muhokama qilindi. Unda RF Sog‘liqni saqlash vaziri M.Murashko 2021-yil yozida mamlakat ichida emlash 4 barobarga oshganini qayd etdi.
Jahongir Qo‘ziyev
