RF mudofaa vaziri Sergey Shoygu Rossiyaning Markaziy Osiyodagi bazalari qaysi holatda harakatga kelishini maʼlum qildi
Shoyguning taʼkidlashicha, Qirg‘iziston va Tojikistondagi harbiy bazalar ushbu mamlakatlar Afg‘oniston yo‘nalishida agressiyaga uchrasa, to‘liq harakatga keladi.
“Bizning Tojikistondagi bazamiz yetarli darajada mustahkam va agar to‘g‘ridan-to‘g‘ri hujum ro‘y bersa, Kollektiv Xavfsizlik to‘g‘risidagi shartnoma tashkiloti (KXSHT) chegaralari himoyasi uchun to‘la ishga tushiriladi. Qirg‘izistondagi bazalar haqida ham huddi shuni aytish mumkin”, - degan Shoygu.
Rossiya mudofaa vaziri shuningdek, “Tolibon” bilan erishilgan kelishuv amalga oshirilishiga umid bildirgan. Lekin o‘tmishdagi tajribalarni hisobga olib KXSHT doirasidagi ittifoqchilarni har tomonlama qo‘llab-quvvatlash zarurligini aytgan. Shoyguning fikricha, bularning barchasi RF xavfsizligi uchun ham muhimdir.
Bundan avval Afg‘onistonda “Tolibon” va hukumat o‘rtasida yirik shaharlar uchun janglar avj olgani haqida maʼlumot berilgandi
