Abdulla Aripov Shavkat Mirziyoyevni fidoiy, mard, serg‘ayrat va tafakkuri kuchli shaxs deb taʼrifladi
O‘zbekistonda butunlay yangicha iqtisodiy siyosiy, ijtimoiy-maʼnaviy, ilmiy-maʼrifiy iqlim paydo bo‘ldi.
Xo‘sh, mamlakatimiz bunday maqtanishga arzigulik natijaga qanday erishdi?
Erishilayotgan natijalarga aslo qoniqmaslik, muvaffaqiyatlarga mahliyo bo‘lmaslik, mavjud ahvolni haqqoniy, ishlarni muntazam tanqidiy baholashga, o‘zlarining va jamoalarining oldiga tinimsiz bir-biridan murakkab vazifalar qo‘yib, doim marrani baland olishga daʼvat qilgan hurmatli Prezidentimiz Shavkat Miromonovich Mirziyoyevning qatʼiy siyosiy irodalari va shaxsiy namunalari bilan erishdik.
Biz juda tez amalga oshirilayotgan o‘zgarishlarga ko‘nikib qoldik. Ularning mohiyatini anglashga ulgurmayapmiz. Go‘yo, Vatanimiz ravnaqi, xalqimiz farovonligi yo‘lida qilinayotgan mislsiz islohotlar aynan shunday bo‘lishi kerakdek va shu ishlar o‘z-o‘zidan bo‘layotgandek qabul qilayapmiz. Aslida, buning zamirida, davlatimiz oldida turgan dolzarb muammolarni aql-idrok bilan yecha oladigan, fidoiy, mard, serg‘ayrat va tafakkuri kuchli bo‘lgan shaxsning – hurmatli Shavkat Miromonovichning qatʼiyatlari mujassamdir.
O‘zLiDeP siyosiy kengashi majlisidan.
