Afg‘oniston hukumati yil oxiriga qadar tinchlik va xavfsizlikni to‘liq taʼminlaydi-Afg‘onistonning BMT dagi vakili
6- avgust kuni BMT Xavfsizlik kengashining Afg‘onistondagi vaziyat yuzasidan yig‘ilishi bo‘lib o‘tdi.
Unda Afg‘onistonning BMT dagi vakili G‘ulom Isʼhoqzay ham chiqish qilib quyidagilarni maʼlum qildi:
Birinchidan, markaziy hukumatning yil oxiriga qadar xavfsizlikni taʼminlash bo‘yicha rejasi bor, Qobul mahalliy jamoalar qo‘llab-quvvatlashi orqali bunga erishmoqchi;
Ikkinchidan, Afg‘onistonda fuqarolar urushi emas, balki xalqaro terrorizmga qarshi kurash ketmoqda;
Uchinchidan, hukumat “Tolibon” ning Pokiston tomonidan qo‘llab-quvvatlanayotgani haqida dalillarga ega va uni BMT Xavfsizlik kengashiga taqdim etishga tayyor. Isʼhoqzay harakat vakillari Pokistondan yordam olayotganini, muolajalarini u yerda o‘tayotganini va jangarilar Pokiston hududida tayyorlanayotganini maʼlum qildi.
Bundan avval “Tolibon” Nimro‘z viloyati markazini egallagani xabar qilingandi.
