Coca-Cola Uzbekistan davlat ulushini Coca-Cola İçecek sotib oladi
O‘zbekiston Davlat aktivlarini boshqarish agentligi Coca-Cola Ichimligi Uzbekiston (CCBU) ustav kapitalidagi 57,118 % davlat ulushini 252,28 million AQSH dollari evaziga Coca-Cola İçyecek A.Ş.” (CCI, Turkiya) kompaniyalar guruhiga sotish bo‘yicha kelishuvga erishdi. Bu haqda 6 avgust kuni agentlik matbuot xizmati xabar qildi.
Mazkur bitim ommaviy oshkora sotuv jarayoni shaklida tashkil etildi. Davlat ulushining mazkur sotuv jarayoni Rothschild & Co agentlikning moliyaviy maslahatchisi, Dentons esa yuridik maslahatchisi sifatidagi ishtirokida amalga oshirildi.
Coca-Cola Bottlers Uzbekistan — O‘zbekistondagi yirik gazlangan alkogolsiz ichimliklar ishlab chiqaruvchi hisoblanib, Toshkent, Namangan va Urganchda ishlab chiqarish quvvatlari va omborlari mavjud. 2020 yil yakunlari bo‘yicha kompaniyaning sof daromadi 205 mlrd so‘mni tashkil etdi.
