2000 nafarga yaqin amerikalik 2001-yilning 11-sentyabr terrakti bilan bogʻliq hujjatlarni eʼlon qilishni soʻradi
Yaqinlari 2001-yilning 11- senyabr terraktida halok boʻlgan 2000 ga yaqin amerikalik AQSH Prezidenti Jo Baydendan ana shu hujumda Saudiya Arabistonining aloqasi borligini isbotlovchi hujjatlarni eʼlon qilishni soʻrab maktub yozdi. Bu haqda BBC xabar qilmoqda.
Maktub mualliflari agar bu hujjatlar shu yilning 11-sentyabrigacha chop etilmasa, davlat rahbaridan terraktning 20 yilligiga bagʻishlangan xotira marosimida qatnashmaslikni soʻrashgan.
“Prezident oʻz vazifasini bajarmagunicha biz uni hurmat bilan qarshilay olmaymiz”, deyiladi maktubda.
2001-yilning 11-sentyabridagi teraktlarda AQSHda 3000 ga yaqin odam halok boʻlgan. Tergov hujum “Al Qoida” terroristik guruhi tomonidan amalga oshirilganini aniqlagan.
Qurbonlarning oila aʼzolari Saudiya Arabistonining oliy boshqaruvi terakt haqida bilgani, ammo bunga toʻsqinlik qilmaganini aytishmoqda. Qirollik hukumati bu ayblovlarni rad etmoqda.
Bayden Adminstratsiyasi tergov materiallarini milliy xavfsizlik sababi bilan ochiqlashdan bosh tortgan toʻrtinchi adminstratsiya boʻldi. Bundan oldin Jorj Bush, Barak Obama va Donald Tramp ham maxfiy hujjatlarni ochiqlashdan bosh tortgan.
Sharofat Mahmudova
