Sariosiyoda to‘rt yoshli bola yo‘l transport hodisasi qurboni bo‘ldi
Surxondaryo viloyatining Sariosiyo tumanida 4 yoshli qizaloq tiko urib yuborishidan vafot etdi.
Bu haqda viloyat IIB YHXB xabar berdi. Maʼlum bo‘lishicha, voqea tumanning “Bog‘iston” MFY hududidan o‘tuvchi 4-N-16 avtomobil yo‘lining 7-kilometrida sodir bo‘lgan. Boshqa shaxsga tegishli Tico‘ni ishonchnomasiz, katta tezlikda haydab ketayotgan 22 yoshli yigit yo‘lni kesib o‘tayotgan qizchani urib yuborgan.
Oqibatda qizaloq olgan og‘ir tan jarohatlarida tuman tibbiyot birlashmasi jonlantirish bo‘limida vafot etgan.
Xabarda aytilishicha, vafot etgan qizaloq hodisa sodir bo‘lgan mahallada xolasining uyiga mehmonga kelgan bo‘lgan. U qarovsiz qolib ketishi oqibatida avtomobil yo‘liga chiqib ketgan. Haydovchi esa malakasizligi, mashinada belgilangan tezlikdan ortiq harakatlangani oqibatida ushbu YTH sodir bo‘lgan.
