Sobiq SSSR davlatlari orasida o‘zbekistonliklar hammadan baxtli bo‘lib chiqdi
Qozog‘iston baxtli bo‘lish darajasi bo‘yicha mamlakatlar xalqaro reytingida 45 -o‘rinni egalladi (World Happiness Report). Mamlakat bir yil mobaynida beshinchi pog‘onaga ko‘tarildi, deb xabar beradi Tengrinews.kz muxbiri rating.kz sayti maʼlumotiga tayanib.
Sobiq Ittifoq davlatlari orasida O‘zbekiston eng yuqori pog‘onaga chiqqan bo‘lsa, Qozog‘iston Rossiya, Belarus, Moldova va Ukrainadan oldinga o‘tib oldi.
Yuqori o‘rinlarni anʼanaviy ravishda Skandinaviya mamlakatlari va Yevropa Ittifoqi davlatlari egalladi. Finlyandiya, Daniya va Shveysariya birinchi uchlikni ishg‘ol qildi. Afg‘onistonga esa eng quyi o‘rin nasib qildi.
Qozog‘istonda o‘tkazilgan so‘rov natijalariga ko‘ra, 67,2 foiz aholi o‘zini baxtli, deb hisoblaydi, 31,2 foizi esa baxt darajasidan qoniqmagan. Qishloq aholisi shaharliklarga nisbatan o‘zlarini ko‘proq baxtli, deb his qilishadi.
Munojat Valiyeva
