O‘zbekistonda «Mehr daftari» shakllantiriladi
Prezident qarri asosida O‘zbekistonda «Mehr daftari»ni shakllantirish tartibi belgilandi. Bu haqda O‘zA xabar berdi.
Maʼlum bo‘lishicha, 1 noyabrdan boshlab «Mehr daftari» tizimi doirasida amalga oshiriladigan chora-tadbirlarni moliyalashtirish uchun yetim bolalar va ota-ona qaramog‘idan mahrum bo‘lgan bolalarni qo‘llab-quvvatlash jamg‘armalari tashkil etiladi. Shuningdek, moliyalashtirish ishlari Qoraqalpog‘iston vazirlar kengashi, viloyatlar va Toshkent shahar hokimliklari tomonidan bajarilishi aytilgan.
Taʼkidlanishicha, daftarga kiritilgan yetim bolalar va ota-ona qaramog‘idan mahrum bo‘lgan bolalarni qo‘llab-quvvatlash jamg‘armasining mablag‘lari homiylik mablag‘lari, alkogol mahsulotlarining (pivo va tabiiy vino bundan mustasno) ulgurji savdosi bilan shug‘ullanuvchi korxonalar sof tushumining uch foizi miqdoridagi ajratmalardan olinadi. Shuningdek, ushbu tartib 1 yanvardan amal qilishi maʼlum bo‘lgan.
Avvalroq O‘zbekistonda «Ayollar daftari»ga kiritilganlarning farzandi bog‘chaga imtiyoz asosida qabul qilinishi xabar qilingan. Shuningdek, O‘zbekistonda «Temir daftar»ga kiritilgan oilalarning farzandlari kontrakti birinchi o‘quv yilida to‘lab berilishi bo‘yicha maʼlumot berilgan.
