“Koronavirus Uxan laboratoriyasidan tarqalib ketgan bo‘lishi mumkin” — JSST
JSST eksperti koronavirus Uxan laboratoriyasidan tarqalib ketgan bo‘lishi mumkinligini ma'lum qildi. Bu haqda “Daily Mai” xabar bermoqda.
Koronavirus pandemiyasi boshlangan shahar — Uxanda 2021 yilning yanvarida tekshiruv o‘tkazgan Jahon Sog‘liqni saqlash tashkiloti ekspertlari guruhi rahbari Piter Enberek koronavirus Uxandagi bioliogik laboratoriyadan tarqalib ketgan bo‘lishi mumkinligini inkor etmadi.
Olimning so‘zlariga ko‘ra, “COVID-19”ning ilk bemori laboratoriya xodimi bo‘lgan va unga kasallik ko‘rshapalakdan dala tadqiqoti paytida yoki bevosita laboratoriyaning ichida yuqqan bo‘lishi mumkin. Enberek bu taxmin to‘liq tasdiqlanmagan, lekin uni butkul inkor etib ham bo‘lmaydi, degan.
Bundan avval britaniyalik ekspertlar guruhi koronavirusning “del'ta” shtammi ommaviy immunitet shakllanishiga qarshilik qilishini aytib o‘tgan edi.
