Afg‘oniston bo‘yicha oltmishdan ortiq davlat bayonot beradi
AQSH Davlat departamenti bayonotiga ko‘ra, 60 dan ortiq davlat Afg‘onistondagi vaziyat yuzasidan bayonot beradi. Departament murojaat yo‘llab, Afg‘onistondagi chet el fuqarolarini mamlakatdan xavfsiz chiqib ketishga chaqirgan.
Bu haqda RIA “Novosti” xabar qildi.
Mazkur murojaatni ko‘plab mamlakatlar qo‘llab-quvvatlamoqda. Ular orasida AQSH, Fransiya, Germaniya, Ukraina, Italiya va Buyuk Britaniya ham bor.
– Xavfsizlik holati yomonlashib borayotganini hisobga olib, chet el fuqarolari va mamlakatni tark etmoqchi bo‘lgan afg‘onlarning xavfsiz va tartibli chiqib ketishiga yordam berishga chaqiramiz, – deyiladi bayonotda.
Xabarda aytilishicha, “Tolibon”ning harakatlari AQSH qo‘shinlari va ularning NATOdagi ittifoqchilari, Rossiya Tashqi ishlar vazirligi G‘arbning harbiy-siyosiy missiyasining muvaffaqiyatsizligi deb baholangan sharoitda amalga oshirilgan. Boisi, qisqa fursat ichida deyarli butun mamlakat toliblar nazoratiga o‘tdi.
Eslatib o‘tamiz, “Tolibon” siyosiy idorasi vakili Muhammad Naim Afg‘onistonda urush tugaganini eʼlon qildi.
