“Boeing C-17” harbiy-transport samolyotida inson tanasi qoldiqlari aniqlandi
Kobuldan uchib ketgan “Boeing C-17” harbiy-transport samolyotining shassi bo‘limida inson tanasi qoldiqlari mavjudligi bo‘yicha surishtiruv boshlandi. Bu haqda CNN AQSH harbiy-havo kuchlari maʼlumotlariga tayanib xabar qilmoqda.
Bundan avval ijtimoiy tarmoqlarda Kobul aeroportidan olingan videolar tarqalgan edi. Ularda ko‘plab odamlar Kobuldan chiqib ketish maqsadida uchish-qo‘nish yo‘lagida yugurib, AQSH harbiy-havo kuchlari samolyotlariga osilib chiqmoqchi bo‘lgani tasvirlangan.
Ushbu hodisa oqibatida 8 kishi tiqilinchda halok bo‘lgan, 3 kishi samolyotdan qulab tushgan.
Qayd etilishicha, mazkur samolyotdagi inson tanasi qoldiqlari u Qatardagi El-Udeyd aviabazasiga qo‘nganidan so‘ng aniqlangan. Samolyot mutaxassislar undagi inson tanasi qoldiqlarini to‘liq tozalab, tekshirib chiqmagunicha parvozlarni amalga oshirmaydi.
Sharofat Mahmudova
