Majburiy badal to‘lovlarini o‘zlashtirgan shirkat masʼullarining kirdikorlari fosh bo‘ldi
Bu haqda Bosh prokuratura huzuridagi Departament xabar berdi.
Bosh prokuratura huzuridagi Departamentning Yangihayot tuman bo‘limi tomonidan fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda, “A.S.” uy joy mulkdorlari shirkati masʼul shaxslari mulkdorlardan undirilgan jami 109,3 mln so‘m majburiy badal to‘lovlarini bank muassasasiga kirim qilmasdan, o‘zlarining ehtiyojlari uchun sarflab, talon-toroj qilganliklari aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
