5 ming va 10 ming so‘mlik banknotalar ko‘rinishi yangilanadi
Markaziy bank tomonidan yangi ko‘rinishdagi 5 000 (besh ming) so‘mlik va 10 000 (o‘n ming) co‘mlik banknotlar chiqariladi. Bu haqda Senat matbuot xizmati xabar berdi.
19 avgust kuni Oliy Majlis Senati Kengashi majlisi bo‘lib o‘tdi. Unda Senatning o‘n sakkizinchi yalpi majlisini 2021 yil 26 avgust kuni chaqirish to‘g‘risida qaror qabul qilindi. Majlis davomida yalpi majlisda ko‘rib chiqiladigan masalalar, shu jumladan banknot haqida eʼlon qilingan.
«Kengash majlisida Markaziy bank tomonidan yangi ko‘rinishdagi 5 000 (besh ming) so‘mlik va 10 000 (o‘n ming) co‘mlik banknotlarning chiqarilishi to‘g‘risidagi masala ko‘rib chiqildi», deyiladi Senat xabarida.
Maʼlumot uchun, Markaziy bank 2013 yil iyunida 5 ming so‘mlik, 2017 yil martida 10 ming so‘mlik banknotalarni muomilaga kiritgandi.
