Italiyaliklar spagettisiz qolishi mumkin

 

Agar hukumatlar bu muammoni zudlik bilan nazoratga olmasa, spagetti, fettuchini va kannelloni hademay anqoning urug‘iga aylanishi  mumkin. Bu haqda “LePoint” xabar qilmoqda.

 

“Bularning barchasi global iqlim o‘zgarishi tufayli yuzaga kelmoqda. Kanada va Yevropada nimalar sodir bo‘ylayotganini ko‘ring. Kanadaliklar issiqdan aziyat chekayotgan bo‘lsa, biz yomg‘ir ostida qoldik. Agar shunday davom etaversa, nafaqat Fransiya, balki butun Yevropada makaron mahsulotlari tanqisligi yuzaga keladi va ularni ratsiondan chiqarishga to‘g‘ri keladi”, —deydi Fransiya makaron mahsulotlari ishlab chiqaruvchilari kengashi ekspertlari.

 

Kanadada yoz juda issiq kechmoqda. Shimoliy Amerikada iyun eng issiq oy bo‘ldi. Kanadada bundan nafaqat bug‘doy, balki zaytun hosili ham zarar ko‘rdi. Bu yil hosil rejalashtirilganidan  kamida 3 baravarga kam bo‘lishi kutilmoqda.

 

Kanada qattiq navli bug‘doy yetishtirish bo‘yicha yetakchi davlat sanaladi. Qolaversa, bu yil Yevropaning o‘zida ham bug‘doy hosili kutilganidek emas. Bunga  yoz davomida muntazam yoqqan yomg‘irlar sabab bo‘lgani aytilmoqda.

 

 Sharofat Mahmudova