Donald Tramp Jo Baydenni Amerika xalqidan kechirim so‘rashga chaqirdi

 

 

AQSHning sobiq prezidenti Donald Tramp  amaldagi davlat rahbari Jo Baydenni Amerika qo‘shinlarini Afg‘onistondan olib chiqib ketgani uchun kechirim so‘rashga chaqirdi. Bu haqda “TASS” agentligi siyosatchining bayonotiga asoslanib xabar bergan.

 

"Jo Bayden 85 milliard dollarlik harbiy texnikaning radikal “Tolibon” qo‘liga o‘tishiga yo‘l qo‘ygani uchun Amerikadan kechirim so‘rashi kerak", — deydi Tramp.

 

Bundan avval  “Fox News” telekanalida Tramp Bayden boshchiligida AQSHning Afg‘onistondan chiqib ketishini "mamlakat uchun eng katta xo‘rlik" , deb atagan edi.

 

Eslatib o‘tamiz, AQSH qo‘shinlari Afg‘onistondan chiqib ketgach, “Tolibon” mamlakatda hokimiyatni qo‘lga oldi.

 

 Nasiba To'xtayeva