Oliy taʼlim vazirligi Prezident majlisida vazir «uxlab qolgani»ga izoh berdi
Shavkat Mirziyoevning 20 avgust kuni tadbirkorlar bilan oʼtkazgan ochiq muloqoti paytida oliy taʼlim vaziri Аbduqodir Toshqulov «uxlab qolgani» aks etgan surat tarqalgandi.
Oliy va oʼrta maxsus taʼlim vazirligi mazkur suratga izoh berdi.
Qayd etilishicha, ijtimoiy tarmoqda bugungi tadbirkorlar bilan muloqotda xalq taʼlimi vaziri davlat rahbaridan koʼrsatma olayotgan paytda uning orqa fonida oliy taʼlim vaziri Аbduqodir Toshqulovning boshini eggan suratiga «vazir uyquda» tarzida izoh berish boshlangan.
«Foto doim ham holatni toʼliq his qilish imkonini bermaydi. Kadr bilan ishlaydiganlar buni darrov tushunadi. Suratni koʼriboq vazir boshini egib yozib oʼtirganligini tushunish qiyin emas.
Mutasaddilardan xuddi shu kadrni montajdan xoli ‘isxodnik materiallar olindi. Faktcheking qilinganda vazir uxlamaganligi oʼz tasdigʼini topdi. Marhamat, videoda koʼrishingiz mumkin. Oliy taʼlim vaziri xalq taʼlimi vaziri Sherzod Shermatovga topshiriq berilayotganda yon daftariga qaydlar qilish bilan band.
Tekshirilmagan, shubhalarga asoslangan axborot tarqatish — eng kamida kasbiy etikaga zid.
