Gulbiddin Hikmatyor: “Toliblar inklyuziv hukumat tuzishga tayyor”

 

Afgʻoniston Islom Partiyasi rahbari Gulbiddin Hikmatyor ”Sputnik Afganistan” nashriga  intervyu berdi. 
Unda Hikmatyor Panjsher masalasiga alohida toʻxtalgan. Jumladan, Panjsher yetakchilari  urushga intilmayotgani  alohida taʼkidlangan. Chunki Kobulga muzokaralar uchun birinchi boʻlib  ular kelgan. Shu bilan birga, panjsherliklar hali oʻzining aniq taklifini  bermagan. 

 

Hikmatyor “Tolibon” oʻzgarganligini qayd etdi. “Ular koʻp narsa oʻrgandi, tajriba orttirdi,  qarashlarida ham ijobiy oʻzgarishlar bor”, — degan siyosatchi. Toliblarning viloyatlarda sobiq davlat xizmatchilaridan qasos olayotgani haqidagi xabarlar yolgʻon ekanini aytgan.

Hikmatyor Kobul aeroportidagi vaziyat oldindan rejalashtirilgan, degan fikrda. Bundan tashqari  u Andarobdagi janglarda chet el maxsus xizmatlarining qoʻli borligini tahmin qilgan.