“Tolibon” Afg‘onistonni boshqarish maqsadida 12 kishidan iborat maslahat kengashi tuzadi
“Tolibon” Afg‘onistonni boshqarish maqsadida 12 kishidan iborat maslahat kengashi tuzadi. Bu haqda “Forein Policy” xabar berdi.
Maʼlum bo‘lishicha, kengashga “sobiq hukumatning kelishuvga moyil aʼzolari” kiritiladi, bundan ko‘zlangan maqsad – yangi hukumatni jahon hamjamiyati nigohida maqbul qilib ko‘rsatishdir.
Yanga hukumatga “Tolibon”ning uch nafar eng nufuzli vakili––Mulla Barodar, “Tolibon” asoschisi Mulla Umarning o‘g‘li Mulla Muhammad Yoqqub va Xalil Haqqoniy kirgan. Xaqqoniy BMT va AQSHning qora ro‘yxatidan o‘rin olgan.
Shunindek, Panjsher yetakchisi Ahmad Masʼud ham hukumat aʼzosi bo‘lishi mumkin, lekin buning hozircha ehtimoli kam.
“Yangi hukumat yana-da inklyuziv bo‘lishga harakat qilmoqda”, degan nashr manbasi. Hozirda yangi hokimiyat organlarini tuzish bo‘yicha Milliy yarashuv Oliy kengashi raisi Abdulla Abdulla va Afg‘onistonning sobiq prezidenti Hamid Karzay bilan norasmiy muzokaralar boshlangan. Eslatib o‘tamiz, bundan avval Tojikistondan Panjsher viloyatiga qurol olib o‘tilgani rad qilingan edi.
Jahongir Qo‘ziyev
