“Oriflame”ning Rossiyadagi ofisi yirik kiberhujumga uchradi
Shundan so‘ng 1,3 million rossiyalik mijozlarning skanerlangan pasportlari tarmoqqa tarqalib, pasport maʼlumotlari RaidForums xakerlar forumida sotuvga qo‘yilgan. Bu haqda “Kommersant” xabar tarqatdi.
"Tarmoq nafaqat ruslar, balki kompaniyaning Osiyo va MDH mamlakatlari mijozlari pasportlarini ham skanerdan o‘tkazdi", — deb yozadi nashr.
”Oriflame” kompaniyaning axborot tizimlariga ruxsatsiz kirishga olib kelgan kiberhujum faktini tasdiqladi. Shu bilan birga, ular bu hujum bank hisob raqamlari, telefon raqamlari, parol va foydalanuvchilarning tijorat operatsiyalariga taʼsir qilmasligiga ishontirmoqda.
Taxminlarga qaraganda, kiberhujum boshqa mamlakatdan uyushtirilgan. Mutaxassislarning ogohlantirishicha, xakkerlar kompaniya mijozlarining tarmoqqa kirgan pasport maʼlumotlaridan mikrokreditlar, SIM-kartalar berish, onlayn xizmatlarda ro‘yxatdan o‘tish yoki telefon orqali firibgarlik qilishda foydalanishlari mumkin.
Nasiba To‘xtayeva
