Yaponiyada yana sakkizta prefekturada favqulodda holat rejimi joriy etildi
Yaponiya hukumati koronavirus tufayli yana sakkizta prefekturada favqulodda holat rejimi joriy etdi. Bu haqda iqtisodiyotni tiklash vaziri Yasutosi Nisimura maʼlum qildi.
"Biz qayd etgan 8 ta prefekturada kasallanish darajasi nisbatan yuqori, shu bois ularni favqulodda vaziyat rejimi amal qiladigan hududlar ro‘yxatiga kiritishga qaror qildik", — dedi u.
Vazirning so‘zlariga ko‘ra, cheklov Ayti, Gifu, Mie, Miyagi, Okayama, Siga, Xirosima va Xokkaydoda amal qiladi.
Ushbu prefekturalarda bemorlar soni keskin oshgani tufayli sog‘liqni saqlash tizimi bosim ostida qolgan.
Eslatib o‘tamiz, Yaponining 47 ta prefekturasining 21 tasida favqulodda holat rejimi o‘rnatiladi.
Bundan avvalroq, koronavirusga chalingan paralimpiachilarimiz qay tartibda davolanishi to‘g‘risida xabar berilgandi.
Sharofat Mahmudova
