Dubayda dunyodagi eng baland aylanma attraksion qurilyapti
U sayyohlar uchun shu yilning 21 oktyabrida ochiladi, deya xabar beradi ”Khaleej Times.”
Uning balandligi 250 metr, bir vaqtning o‘zida 1 ming 750 kishini qabul qila oladi.
Mehmonlarga uch toifada 19 dan ortiq bezatilgan kabinalar xizmat qiladi. Birinchi toifa kabinadan yon-atrofni tomosha qilish mumkin, ikkinchisi tadbirlar (to‘ylar, oilaviy kechki ovqat yoki romantik uchrashuv), uchinchisi esa shaxsiy maqsadlar uchun.
Mehmonlar shahar panoramasini kunduzi ham, kechasi ham kuzatishlari mumkin.
Loyiha mualliflarining so‘zlariga ko‘ra, yangi attraksion qurish uchun 11 ming tonna po‘lat ishlatilgan.
Nasiba To‘xtayeva
