Ruandada bosh suyagi nok shakliga o‘xshash bola dunyoga keldi
Markaziy Afrikaning Ruanda mamlakatida yashovchi Badzenese Liberate bosh suyagi nok shakliga o‘xshash go‘dakni dunyoga keltirdi. Bu haqda “Daily Star” nashri xabar berdi.
Qayd etilishicha, bola tug‘ilganidan keyin ayolning eri uni tashlab ketgan. Qarindoshlari esa boladan voz kechishga chaqirdi.
Ayol o‘g‘linining hayotini saqlab qolish uchun qolgan bolalarini shaharda qoldirib, qishloqqa ko‘chishga majbur bo‘lgan. Uni ko‘rganlar bolani odam emas yirtqich, deb atashmoqda.
Uning qanday kasallik bilan dunyoga kelgani hozircha maʼlum emas, chunki ayolning shifokorga borishga imkoniyati yo‘q.
Bola haqidagi xabarni eshitgan faollar uni chet elda davolatish uchun pul yig‘a boshladi. Shu maqsadda ular “GoFoundM” veb-saytida sahifa ochdi.
Nasiba To‘xtayeva
