So‘nggi 8 oyda qasddan badanga yengil shikast yetkazgan qancha odam qamalgan?
So‘nggi 8 oyda qasddan badanga yengil shikast yetkazgan 47 nafar fuqaro qamaldi.
Bu haqda AOKAda o‘tkazilgan brifingda Oliy sud axborot xizmati rahbari Aziz Abidov maʼlum qildi.
Shu yilning birinchi yarim yilligi davomida O‘zbekistonda jinoyat ishlari bo‘yicha sudlar tomonidan qasddan badanga yengil shikast yetkazishda ayblangan 1 686 nafar shaxsga nisbatan 1 508 ta jinoyat ishi ko‘rib chiqilgan.
Shundan 714 nafariga nisbatan ayblov hukmi, 4 nafar shaxsga nisbatan oqlov hukmi chiqarilgan. 954 nafar shaxsga taalluqli jinoyat ishlari esa taraflar yarashganligi munosabati to‘xtatilgan. 6 ta jinoyat ishi bo‘yicha 6 nafar shaxsga nisbatan tibbiy majburlov chorasi qo‘llanilgan.
Jazo tayinlab, hukm chiqarilgan 689 nafar shaxsning 107 nafariga jarima, 333 nafariga axloq tuzatish ishlari, 198 nafariga ozodlikni cheklash, 47 nafariga ozodlikdan mahrum qilish va 4 nafariga boshqa jazo turlari tayinlangan.
