ITB yangi raqamli platformani ishga tushirdi
Islom taraqqiyot banki (ITB) Boshqaruvchilar kengashi Toshkentda o‘tayotgan yuqori darajali tadbirda moliyaviy samaradorlikni oshirish bo‘yicha o‘zining vazifalariga qo‘shimcha ravishda yangi raqamli platformani ishga tushirdi.
Mazkur raqamli platforma pul mablag‘lari to‘lovini tezlashtirishda bank operatsiyalarining samaradorligini oshiradi va ishbilarmonlik munosabatlarini amalga oshirishni soddalashtiradi.
Platforma foydalanuvchilarga real vaqt rejimida to‘lov talabnomalarining maqomini kuzatib borish va xavfsizlikni taʼminlovchi shart-sharoitlarda pul mablag‘lari to‘lovi bilan bog‘liq muammolarni hal qilish uchun loyihaviy guruhlar bilan to‘g‘ridan-to‘g‘ri hamkorlik qilish imkonini beradi.
Yangi platforma Toshkentda o‘tayotgan ITB guruhining 2021 yildagi yillik yig‘ilishi doirasida ishga tushirildi.
Islom taraqqiyot bankining moliya bo‘yicha vitse-prezidenti va moliyaviy direktori Zamir Iqbol, aʼzo mamlakatlar ushbu yangi tizim xususiyatlaridan hamda rivojlanish sohasidagi maqsadlarimizga yetishda samaradorlikni oshiruvchi tartib-taomildan manfaat olishlarini alohida taʼkidladi.
- Mazkur strategiya aʼzo mamlakatlar Senegal va Indoneziyaning ilk loyihalarida o‘z taʼsirini namoyon qilishni boshladi, ishga tushirish paytidan boshlab maʼlumotlarning aniqligi va haqqoniyligiga salbiy taʼsirsiz qayta ishlash vaqti qisqardi, - dedi Mansur Muxtor.
Platforma jahon toifasidagi texnologiyalardan foydalanib ishlab chiqilgan hamda mobil qurilmalarda ishlatishga moslashtirilgan. U, shuningdek, har qanday qo‘lda bajariladigan jarayonlarga xos bo‘lgan boshqaruvdagi nuqsonlarni bartaraf qilish uchun xizmat qiladi.
