O‘zbekiston elektron viza berishni vaqtincha to‘xtatdi
O‘zbekistonda elektron viza berish vaqtincha to‘xtatildi, deya xabar bermoqda Tashqi ishlar vazirligi.
Maʼlum qilinishicha, https://e-visa.gov.uz/ tizimida profilaktika ishlari o‘tkaziladi.
Shu munosabat bilan 2021 yil 6 sentyabrdan boshlab elektron viza rasmiylashtirish vaqtinchalik to‘xtatilgani aytiladi.
Elektron vizalar O‘zbekistonga kirish vizasini rasmiylashtirishning soddalashtirilgan tartibi o‘rnatilgan davlatlardan keluvchi fuqarolarga beriladi.
E-visa.gov.uz tizimi 2018 yil iyulida ishga tushirilgan.
Avvalroq chet davlat fuqarolari va fuqaroligi bo‘lmagan shaxslarni O‘zbekiston Respublikasida vaqtincha bo‘lish tartibi o‘zgargani to‘g‘risida xabar berildi.
