O‘zbekistonda koronavirusga qarshi qo‘llanilgan jami vaksinalar 17 million dozadan oshdi
O‘zbekistonda 13-sentabr kuni COVID-19‘ga qarshi 318 412 doza vaksina qo‘llandi. Bu haqda Sog‘liqni saqlash vazirligi xabar bermoqda.
Shundan 88 831 doza birinchi bosqichda, 161 110 doza ikkinchi bosqichda va 68 471 doza uchinchi bosqichda qo‘llangan.
Mamlakatda ayni kungacha jami 17 179 579 doza vaksinadan foydalanilgan bo‘lib, ulardan 1-bosqichda emlanganlar 10 080 287 nafarni, 2-bosqichda emlanganlar 5 305 013 nafarni, 3-bosqichda emlanganlar 1 794 279 nafarni tashkil qildi. Shu kungacha to‘liq emlangan fuqarolar esa 3 244 580 nafarni tashkil qilmoqda.
So‘nggi sutkada emlash ko‘rsatkichlari bo‘yicha yuqori o‘rinlarni:
-
Toshkent viloyati (48 230 doza),
-
Andijon viloyati (39 423 doza),
-
Namangan viloyati (27 639 doza) band qildi.
Jami emlashlar bo‘yicha yuqori ko‘rsatkichlar:
-
Farg‘ona viloyatida 1 944 558 doza,
-
Namangan viloyatida 1 872 820 doza,
-
Andijon viloyatida 1 860 957 dozani tashkil qilmoqda.
Avvalroq, O‘zbekistonga ZF-UZ-VAC2001 vaksinasining 1 million dozasi olib kelingani, Germaniyadan yana 356 ming doza koronavirusga qarshi vaksina keltirilgani hamda Ozarbayjondan COVAX dasturi doirasida Toshkentga 50 ming dozadagi AstraZeneca vaksinasi yetkazib berilgani to‘g‘risida xabar berilgandi.
