Meksikada o‘g‘irlab ketilgan 22 nafar chet el fuqarosi qutqarildi
Meksikada huquq -tartibot idoralari xodimlari San Luis Potosi markaziy shtatidagi mehmonxonaga hujum paytida o‘g‘irlab ketilgan 22 nafar chet el fuqarosini qutqardi. Bu haqda “Reuter” xabar berdi.
Maʼlum qilinishicha, San Luis Potosi shahridan taxminan 195 km shimolda, Matexualadagi Col y Luna mehmonxonasidan o‘g‘irlanganlarning aksariyati Kuba va Haiti fuqarolari bo‘lgan. Qaroqchilar, shuningdek, 16 nafar meksikalikni ham o‘g‘irlab ketgan.
Meksika fuqarolari keyinchalik qo‘yib yuborilgan, chet elliklar esa Matejuala va viloyat poytaxti o‘rtasidagi chekka hududda qutqarildi.
Maʼlumotlarga ko‘ra, Meksika orqali AQSHga yetib borishga umid qilayotgan ko‘plab muhojirlar yo‘lda turli xavf-xatarga duch keladi: ular ko‘pincha o‘g‘irlab ketiladi, yo o‘ldiriladi.
Bundan avval Xitoyda kollej direktorlari ushbu taʼlim muassasasi talabalari tomonidan garovga olingandi. Ular boshqa institut bilan birlashgandan so‘ng mehnat bozorida ilmiy darajalari past bo‘lishidan qo‘rqqani uchun shu ishni qilishgan.
Nasiba To‘xtayeva
