Nobel mukofoti sovrindorlari bu yil ham uylarida taqdirlanishi mumkin
Nobel mukofoti sovrindorlari 2021 yil dekabr oyida koronavirus bilan bog‘liq vaziyat tufayli mukofotni o‘z mamlakatlarida qabul qilishi mumkin.
Muxtasar aytganda, Oslodagi tadbir taqdiri hozircha nomaʼlum, — deydi tashkilotchilar.
Qayd etilishicha, taqdimot 10 dekabrga rejalashtirilgan. Nobel haftaligining baʼzi tadbirlari onlayn tarzda o‘tkaziladi.
"Laureatlar Nobel mukofoti medallari va diplomlarini o‘z mamlakatlarida oladi. Mukofotlar Stokgolm meriyasida mahalliy jamoatchilik ishtirokida taqdim etiladi. Norvegiya Nobel qo‘mitasi uni o‘tkazish imkoniyatini hali ham ochiq qoldirmoqda", — deyiladi tashkilotchilar bayonotida.
“Nobel mukofoti — olamshumul hodisa. Laureatlar turli qitʼalardan tanlanadi. Pandemiya bilan bog‘liq vaziyatning noaniqligi, xalqaro sayohat qilish imkoniyati cheklangani — 2021 yilgi laureatlar o‘z medal va diplomlarini mamlakatlarida olishlariga sabab bo‘lmoqda ", — deydi qo‘mita direktori Vidar Xelgesen.
Eslatib o‘tamiz, o‘tgan yili ham pandemiya sababli Nobel mukofoti o‘z egalariga uylarida topshirilgan edi.
Nasiba To'xtayeva
