Dam olish kunlari harorat keskin pasayishi kutilmoqda
Ertaga, 24 sentyabr kuni O‘zbekistonda quyoshli va juda iliq ob-havo saqlanib turadi.
Termometr ustuni kunduz kunlari 32-34° gacha ko‘tariladi. Bu ushbu kunlar meʼyoridan 4-6° yuqoridir.
Yakshanba kuni Respublika hududining katta qismida iliq havo massalarining kirib kelishi saqlanib turadi. Kechasi harorat 15-17°ni, kunduz kuni esa 35-37°ni tashkil etadi. Yakshanbada Respublikaning shimoliy hududlariga Volga bo‘yi hududlaridan salqin havo kirib kelishi boshlanadi. Kechga tomon Qoraqalpog‘iston va Xorazm viloyatining baʼzi joylarida biroz yomg‘ir yog‘ishi mumkin. Havo harorati kechasi 7-12°gacha, kunduz kuni 20-25°gacha pasayadi.
Dushanba kuni salqin havo O‘zbekistonning barcha hududiga tarqaladi. Kelayotgan haftaning birinchi yarmida kunduz kuni havo harorati 23-27°, kechasi 12-15° atrofida bo‘ladi.
26-27 sentyabr kunlari salqin havo massasining kirib kelishida bulutli qatlamlar ko‘payadi va baʼzi joylarda shamol 15-20 M/S gacha kuchayadi.
Haftaning ikkinchi yarmida havo haroratining yana-da pasayishi kutilmoqda.
