Agar biz harorat ko‘tarilishini to‘xtata olmasak, sayyoramiz tanib bo‘lmas darajada o‘zgarib ketadi — xalqaro ekspertlar
Birlashgan Millatlar Tashkilotining iqlim o‘zgarishi bo‘yicha yangi maʼlumotlariga ko‘ra, 2100 yilga borib harorat 2,7 darajaga ko‘tarilishi, bu esa halokatli oqibatlarga olib kelishi mumkin. Bu haqda “Sciencealert” nashri xabar bermoqda.
Mutaxassislarning fikricha, haroratning o‘zgarishi yong‘inlarning tez-tez sodir bo‘lishi, bo‘ronlar, qurg‘oqchilik, suv toshqini, issiqlik va suv yuzasida chuqur o‘zgarishlarga olib keladi. Bu o‘zgarishlarning asosiy sababchisi esa uglerod chiqindilaridir.
Kelajakni bashorat qilgan xalqaro olimlar guruhi uchta asosiy ssenariyni maʼlum qildi. Unga ko‘ra, birinchi ikkita ssenariyda 2100 yildan keyin global harorat ko‘tariladi. Buning natijasida o‘simlik va ekin maydonlari qutblar tomon siljiydi va ekinlarni yetishtirish uchun yaroqli maydon kamayadi. Amazonka havzasi kabi baʼzi hududlar yashash uchun yaroqsiz holga kelib qoladi. Issiqlik sabab tropik mintaqalarda yashab bo‘lmaydi.
Olimlarning taʼkidlashicha, iqlim o‘zgarishiga qarshi eng samarali choralar ko‘rilayotgan bo‘lishiga qaramay dengiz sathining ko‘tarilishi davom etmoqda.
"Agar biz harorat ko‘tarilishini to‘xtata olmasak, kelasi 500 yil ichida sayyoramiz tanib bo‘lmas darajada o‘zgaradi va bu insoniyat sog‘ligi va hayotiga katta xavf soladi", - deydi ekspertlar.
Nasiba To‘xtayeva
