Ruminiyada koronavirusga chalingan bemorlar davolanayotgan shifoxonada yong‘in sodir bo‘ldi
Ruminiyaning Konstansa shahrida koronavirusga chalingan bemorlar davolanayotgan yuqumli kasalliklar shifoxonasida yong‘in sodir bo‘ldi. Buning oqibatida 9 kishi halok bo‘lgan, deb xabar berdi “Digi 24.”
Yong‘in reanimatsiya bo‘limida yuz bergan. Alanganing kelib chiqish sabablari hali maʼlum qilinmagan.
Kasalxonada 113 bemor bo‘lgan, ulardan 10 nafari reanimatsiya bo‘limida edi. Baʼzi bemorlar derazadan evakuatsiya qilingan.
Bundan avval Shimoliy Makedoniya shimoli-g‘arbida, Tetovo shahrida koronavirus bilan kasallanganlar shifoxonasida sodir bo‘lgan yong‘inda 10 kishi halok bo‘lgan edi.
Avvalroq Iroqda Nosiriya shahridagi COVID kasalxonasida ham yong‘in sodir bo‘lgani haqida xabar berilgandi. Ofat 38 kishining hayotiga zomin bo‘ldi, o‘nlab bemorlar qutqarib qolingandi.
Nasiba To‘xtayeva
