«Barselona»ning boshqa klublardan qancha qarzi borligi maʼlum bo‘ldi
«Barselona» yaqin yillar ichida amalga oshirgan transferlarning summasini maʼlum foizini to‘lamagani eʼlon qilindi.
Bu haqda “Marca” xabar berdi.
Manbaning taʼkidlashicha, klub 2023/24 yilgi mavsumga qadar boshqa klublarga 115 million yevro to‘lashi kerak.
Shulardan 39 millioni Miralem Pyanichning, 32 millioni Frenki de Yongning, 16 millioni Serjinyo Destning va 13 millioni Filippe Koutinyoning transferiga tegishlidir.
Avvalroq, UEFA Superliga ishi bo‘yicha “Real”, “Barselona” va “Yuventus”ga qarshi daʼvolarni rad etgani hamda «Barselona»ning yozgi transfer oynasida tugatolmay qolgan shartnomasi bo‘lgani haqida xabar bergan edik.
Munojat Valiyeva
