Fuqaroviy burchini bajarayotgan shaxsga qarshilik uchun jinoiy javobgarlik kuchaytirildi
Prezident tomonidan Jinoyat kodeksi va Maʼmuriy javobgarlik to‘g‘risidagi kodeksga o‘zgartishlar kiritishni nazarda tutuvchi qonun imzolandi.
Kiritilgan o‘zgartishlarga ko‘ra, hokimiyat vakiliga yoki fuqaroviy burchini bajarayotgan shaxsga qarshilik uchun jinoiy javobgarlik kuchaytirildi.
Bunday harakatlar uchun:
➖ BHMning 50 baravaridan 100 baravarigacha jarima (ilgari faqat 50 baravarigacha);
➖ 1 yildan 3 yilgacha ozodlikni cheklash (ilgari 1 yilgacha);
➖ 1 yildan 3 yilgacha (ilgari 1 yilgacha) ozodlikdan mahrum qilish bilan jazolanadi.
Shuningder, Maʼmuriy javobgarlik to‘g‘risidagi kodeksda hokimiyat vakilining, ichki ishlar va Milliy gvardiya xodimlarining qonuniy talablarini bajarmaganlik uchun ham javobgarlik choralari kuchaytirilib, jarima miqdori oshirildi.
Eslatib o‘tamiz, аvvalroq mualliflik huquqining amal qilish muddati o‘zgartirilishi, O‘zbekistonda “prava”siz mashina haydashga va rulda telefondan foydalanishga ruxsat berilishi mumkinligi haqida xabar berilgan edi. Shuningdek, ayrim huquqbuzarliklar bo‘yicha jarimalar miqdori kamaytirilishi bo‘yicha maʼlumot berilgandi.
Cho‘lponoy Ahmedova
