Endilikda yo‘qolgan buyumning egasi topilmasa, uni topgan shaxs egalik huquqini qo‘lga kiritishi mumkin
Qayd etilishicha, yo‘qolgan ashyoni topib olgan shaxs bu haqda uni yo‘qotgan shaxsni darhol xabardor etishi hamda topilgan ashyoni shu shaxsga qaytarishi shart.
Shuningdek, topilgan ashyo qaytarilishini talab qilish huquqiga ega bo‘lgan shaxs nomaʼlum bo‘lsa, ashyoni topib olgan shaxs topilma to‘g‘risida ichki ishlar organiga, tegishli davlat organlariga yoki fuqarolarning o‘zini o‘zi boshqarish organiga maʼlum qilishi shart.
Agar yo‘qolgan ashyoni olishga haqli bo‘lgan shaxs topilma to‘g‘risida ichki ishlar organiga murojaat qilsa yoki tegishli davlat organiga xabar qilinsa, ro‘yxatga olinadi. O‘sha paytdan eʼtiboran 6 oy mobaynida buyum egasi aniqlanmasa ashyoni topib olgan shaxs unga egalik huquqini oladi.
Shu bilan birga ashyoni topib olgan shaxs uni olishga haqli bo‘lgan shaxsdan topilma uchun ashyo qiymatining 20 foiz miqdorda mukofot talab qilishga haqlidir.
Eslatib o‘tamiz, avvalroq endi mahsulot sotib olgan haridorga xarid so‘mmasining 1 foizi qaytarilgani haqida xabar berilgandi.
Cho‘lponoy Ahmedova
