Sochida Kseniya Sobchak o‘tirgan mashina YTH ga uchradi

 

"Daily Storm" bergan maʼlumotga ko‘ra, Kseniya Sobchak voqea joyidan qochib ketgan. 

 

"REN" TV kanali Sobchak ketayotgan mashina haydovchisi bilan bog‘langan. Haydovchining so‘zlariga ko‘ra, Sobchak Nyu-York shahriga uchib ketish uchun aeroportga shoshilib ketayotgan bo‘lgan. YTH sodir bo‘lgach, u kechikmaslik uchun darhol mashinadan  tushib, boshqa taksiga o‘tirgan va yo‘lida davom etgan.

 

Kseniya Sobchak ancha vaqtgacha baxtsiz hodisa yuzasidan hech qanday munosabat bildirmagan.

 

"Daily Storm" jurnalisti uning o‘zi bilan bog‘lanishga harakat qilgan, ammo bog‘lanolmagan. Shundan so‘ng uning turmush o‘rtog‘i    Konstantin Bogomolov bilan bog‘langan, lekin u jurnalistning savollariga  javob bermagan. Shuningdek, Sobchakning sobiq eri Maksim Vitorgan va onasi Lyudmila Narusova ham munosabat bildirishdan bosh tortgan. Avtohalokat tafsilotlari ijtimoiy tarmoqlar orqali keng ommaga tarqalganidan so‘ng Kseniya Sobchak voqeaga izoh qoldirgan. Uning so‘zlariga ko‘ra, voqea sodir bo‘lgan paytda jurnalistning o‘zi ham jarohatlangan. Kuchli zarbdan hushini yo‘qotgan va bosh miya chayqalish alomatlari bilan shifokorga murojaat qilgan.

 

"Voqea sodir bo‘lgan vaqt men mashinada edim. Mashina meniki emas, haydovchisini ham tanimayman. Shunchaki taksi edi.  Haydovchini shoshirmadim. Tezlikni oshir deganim ham yo‘q.   Yo‘l davomida ZOOM orqali ish  yuzasidan gaplashib ketayotgandim, bu haqda yozuvlar ham bor.  Tezlikni oshirganiga kelsak, bu  haydovchining shaxsiy  qarori edi" —  deb yozgan jurnalist o'zining Telegram kanalida.

 

Bundan avval Qoraqalpog‘istonda Qozog‘iston fuqarosi YTHga uchrab, vafot etgani hamda Moskvada yuk mashinasi va jamoat transporti ishtirokida YTH sodir bo‘lgani  haqida xabar berilgandi. 

 

Munojat Valiyeva