Dollar, sanksiyalar va Navalniy. Putin CNBC kanaliga katta intervyu berdi

 

 

Biz dollardan butunlay voz kechmoqchi emasmiz

“Fikrimcha, AQSH dollardan sanksiyaviy vosita sifatida foydalanib, katta xatoga yo‘l qo‘ymoqda”, — degan RF rahbari. Vashingtonning bu kabi harakatlari dollardan zaxira valyuta sifatida foydalanadigan davlatlarda jiddiy xavotir uyg‘otadi. “Natijada, AQSHning eng yaqin ittifoqchilari va hamkorlari ham o‘z zaxiralarida dollarning ulushini kamaytirmoqda, bu statistik fakt”, – degan u.

 

Rossiya prezidenti dollar xalqaro valyuta sifatida o‘z pozitsiyalarini berib qo‘yayotganini ham taʼkidladi. “Lekin biz butunlay dollardan voz kechmoqchi emasmiz, hozirgi vaziyat bizni qanoatlantirmoqda”, – deb qo‘shimcha qilgan Putin.

 

Kriptovalyutaga arzimas buyum sifatida qaramaslik kerak

“Kriptovalyutada shartnomalar!? Bir nuqtadan boshqa nuqtaga mablag‘ni jo‘natish uchun kriptovalyuta qulay. Аmmo savdoda, ayniqsa, energoresurslar savdosida bu haqda gapirishga hali erta. Lekin kriptovalyutaga arzimas buyum sifatida qarash kerak emas. Ammo uni ishlab chiqishda katta miqdorda energiya kerak. Bu esa, o‘z navbatida, uglevodorodlardan foydalanishni taqazo etadi”, — deb fikr bildirgan Putin.

 

 Keyingi saylovlarga qadar hali vaqt bor

“Rossiya konstitutsiyasi menga yangi muddatga nomzodimni ilgari surishga imkon beradi. Ammo men hali bu borada aniq qarorga kelmadim. Keyingi saylovlarga qadar hali vaqt bor, bu haqda fikrlarim vaziyatni beqarorlashtirishi mumkin”, – degan Putin navbatdagi saylovlardagi ishtiroki haqida gapirib.

 

Hech kim uchun alohida sharoitlar yaratib bermaymiz

“U yaxshi sharoitda yashamayapti. Rossiya Federatsiyasi qonunlarini buzgan boshqa shaxslar ham bor. Shuning uchun biz hech kim uchun alohida sharoitlar yaratib bermaymiz”, — deb javob bergan Putin Aleksey Navalniyga bog‘liq savolga.

 

Bundan avval Shavkat Mirziyoyev Vladimir Putin bilan telefon orqali muloqot qilgani maʼlum qilingandi.