Fransiya plastmassa idishlardan butkul voz kechadi
Fransiya 2022-yil 1-yanvardan plastik qadoqsiz sotilishi kerak bo‘lgan 30 ga yaqin meva-sabzavot ro‘yxatini eʼlon qildi. Bu haqda RFI xabar bermoqda.
Shunday qilib, kelgusi yilning yanvaridan boshlab qovoq, baqlajon, qalampir, bodring, pomidor, piyoz, karam, kartoshka, sabzi, sholg‘om, turp ba boshqa sabzavotlarni plastmassa idishda qadoqlab sotish taqiqlanadi.
Shuningdek, olma, nok, kivi, olxo‘ri, ananas, mango, xurmo, apelsin, mandarin, limon va boshqa sitrus mevalarni ham plastik qadoqlarda sotishga ijozat berilmaydi.
Baʼzi mahsulotlarni plastmassa qadoqlarda sotish mumkin, lekin bu amaliyot ham 2026-yilning iyun oyi oxiriga borib to‘xtatiladi.
Tez tayyorlanadigan restoranlarda ovqat isteʼmol qilish uchun ishlatiladigan bir martalik plastmassa idishlar 2023-yil yanvar oyida taqiqlanadi.
Nasiba To‘xtayeva
