Hindistonda erkak xotinining to‘shagiga kobra tashlab o‘ldirdi
Hindistonda xotinini to‘shagiga kobra tashlab o‘ldirishda ayblangan erkak ikki marta umrbod qamoq jazosiga hukm qilindi. Bu haqda “Straist Times” xabar berdi.
Qayd etilishicha, 28 yoshli Suraj Kumar 2020 yilda rafiqasi Utra vafotidan keyin hibsga olingan. Politsiya Surajdan shubha qilib, ayoli o‘limini qotillik sifatida tekshirdi. Tergov xulosalariga ko‘ra, erkak uni mahr — 500 ming rupiy (175 ming grivna) va yangi mashina uchun o‘ldirgan.
O‘tgan yilning may oyida mamlakat janubidagi uyida 25 yoshli uy bekasi o‘lik holda topilgan edi. Ayolning otasi uning o‘limiga shubha bilan qaraydi. Сhunki fojiadan bir necha hafta oldin ham uni ilon chaqib olgan, lekin tuzalib ketgan.
Tergovchilar har ikki urinish ortida ham Suraj turgan degan xulosaga keldi. Sud Suraj Kumarni uxlab yotgan xotini karavotiga kobra tashlaganlikda aybdor deb topdi. Uni ikki umrlik qamoq va 500 ming rupiya miqdorda jarima jazosiga hukm qildi.
Bundan avval Italiyaning Monsa shahrida ukrainаlik erkak ayolini yoqib yuborgani haqida xabar qilingandi.
Nasiba To‘xtayeva
