Ukrainalik erkak rafiqasini yoqib yubordi
Italiyaning Monsa shahrida asli ukrainlik bo‘lgan erkak ayolini yoqib yubordi. Bu haqda “ Il fattoquotidiano” nashriga tayanib, “Московский комсомолец” xabar berdi.
Maʼlum bo‘lishicha, er-xotin o‘rtasida nizo chiqqan. Shundan keyin erkak do‘konga borib benzin sotib olgan. Uyga qaytib, uni rafiqasi ustiga sepgan va yoqib yuborgan.
Alanga kir yuvish mashinasi va mebelni qamrab olgan. Jabrlanuvchining o‘zi kuchli jarohat olmagan va hozirda hayotiga hech narsa xavf solmayapti. Politsiya va o‘t o‘chiruvchilarni ularning katta o‘g‘li chaqirgan. Ayblanuvchi hodisadan keyin qochib ketgan, ammo bir oz muddatdan keyin politsiya tomonidan qo‘lga olingan.
Bundan avval Chilonzorda taksi haydovchisi yo‘lovchi qizga zo‘ravonlik qilgani hamda Kiyevda 50 yoshli pedofil liftda 9 yoshli ikkita qizga hujum qilgani xabar qilingandi.
