AQSHning Florida shtatida o'g'il onasini otib qo‘ydi
Ayol bu paytda Zoom orqali hamkasbi bilan suhbatlashayotgan edi. Bu haqda Breaking 911 xabar qilmoqda.
AQSH politsiyasi bergan maʼlumotiga ko‘ra, bola to‘pponchani otasining ryukzagidan topib olgan. Voqea guvohi uni suhbat chog‘ida orqa tomonda ko‘rganini aytgan. Birozdan so‘ng u qattiq shovqinni eshitgan. Shamaya Linn yiqilgan va boshqa o‘rnidan turmagan.
Huquq himoyachilari ayol boshidan og‘ir jarohat olgani va yetib kelgan tez yordam xodimlari uni qutqara olmaganini aytmoqda. Bolaning 22 yoshli otasi Vondre Eyveriga o‘qotar qurolni xavfsiz saqlamaganlik va ehtiyotsizlik oqibatida odam o‘ldirish ayblovi qo‘yildi.
Sharofat Mahmudova
