Islom Karimov oilasi 22 million dollarga Moskvadagi eng qimmat pentxauslardan birini sotib oldi
Maʼlumotlarga ko‘ra, uch qavatli pentxaus sotuvga qo‘yilgan “Radisson” mehmonxonasi binosida joylashgan bo‘lib, mehmonxona bilan bir xil rejaga ega va bir xil tartibda qurilgan.
Taʼkidlanishicha, uy Tatyana Karimovaning jiyani Anvar Abdullayevga tegishli. Bu haqda “Baza” xabar berdi.
Pentxausning qurilishida tabiiy materiallar, yaʼni italyan marmari, oniks va tabiiy yog‘ochdan foydalanilgan. Mebellar maxsus "Roberto Cavalli" va “Versace” ga tegishli ekani aytilmoqda. 11-qavat ikkita yotoqxona, hammom, oshxona, kiyinish xonalari va keng zaldan iborat. 12-qavatda mehmonxona, 13-qavatda Moskva daryosi, Oq uy va biznes markazi ko‘zga tashlanib turadigan ofis mavjud. Bir so‘z bilan aytganda, kvartira Moskvadagi eng qimmat pentxauslar reytingida ikkinchi o‘rinni egallaydi.
Maʼlumotlarga ko‘ra, 2021 yil may oyidan buyon ushbu pentxaus Anvar Abdullayevga tegishli.
Baʼzi ijtimoiy tarmoqlarda “Radisson” mehmonxonasi ham Anvar Abdullayevga tegishli ekanligi aytilmoqda. Biroq “Baza” tahririyati xabariga ko‘ra, Anvar Abdullayev bilan telefon orqali qilingan suhbatda u “Radisson” mehmonxonasidagi kvartira unga tegishli ekanini rad etgan.
"Meni unga hech qanday aloqam yo‘q va bunday narsalardan uzoqroq turishga harakat qilaman", — degan Anvar Abdullayev.
Eslatib o‘tamiz, o‘tgan yili Lola Tillayeva-Karimova eri bilan Gollivudda uchta uyni sotuvga qo‘ygan edi.
Bundan avval “The Guardian” nashri Gulnora Karimovaga berilgan 220 million dollar xususida maqola chop etilgani haqida xabar qilingan edi.
Munojat Valiyeva
